"MARI TRAPUREN KONDAIRA" GURE INAUTERIEN KANTA

Bazen garaia, Mari Trapuk, XXIgarren mendean leporaino sartua, bere kanta digitalean argitaratu du. Aspaldian ezagutu genituen bere lehendabiziko bertsioak, kasete batean grabaturik... Pablo Fernandez, Aldezar Elkarteko Ludotekako neskatxak, Gartxot (gure kaleetako abeslari bikaina)...hantxe zeuden, Mari Trapuren gora beherak lau haizetara ohiukatzen. Orain, aldiz, Erronkariko Ibaxako mendietako usain goxoa dakarkigu Mari Trapuk.

Erronkariko Julian Gayarre Ikastetxeko hainbat irakasle eta ikaslek oparitzen digute aurten Mari Trapuren Kondairaren bertsio liluragarri honekin. Dohainik, erabat musutruke,...herriak egiten ohi duen bezala, Mari Trapuren irrintziak berriro negua gainditzen, munduko zinkinkeriari aurre egiten, udaberria berriro iritsiko dela ziurtatuz.

Iñaki, Iñigo, Ibai, Oihana, Igor, 4. Lehen Hezkuntzako 6 sorgin maitagarriak,...hortxe daude, uhin zibernetiketan paraturik, guri so eginez, betirako Iruñeko Alde Zaharreko bihotzean. Zuek bai artistak! Benetan, auzo honetan bizi garen guztion partez, eskerrik asko.

Eta besterik gabe, tabernetan, zuen lan tokietan, kaleetan,...dantza zaitezten, jaitsi ezazu...

Jaitsi ezazu (.rar, 2,57 Mb)

 

Mari Trapuren Kondaira (Musika : Iturengo Arotza)

Mila berrehun ta hamalau-
garren urtea zen.
Orduan gure Iruñean
hiru Burgo ziren.
Hantxe gertatu zena
ez dugu guk ahazten
ta horren berri izateko
gaituzu kantatzen.

Mari-Trapu neskatxak
Nafarren buruan
sartu egiten zituen
Frankoak zakuan.
Maria-Trapo gaiztoa
hil zen istiluan
aztiak ta iratxoak
baziren tratuan.

Mahaian paratuta
ardo eta jaki
dantzatzeko zituzten
trapu eta zapi
Frankoak han ordea
begira ederki
haiei zetorkiena
ez zekiten ongi.

Atzetik euskaldunak
nola ez galdetu
besteak jakin gabe
San Zerninen sartu
Frankoak akatuta
Auzoak suak hartu
bertan Maria-Trapo
egin zen kixkaldu.

Aurten ere gu gaude
garaipena ospatzen
ta horretarako dugu
Maria-trapo erretzen.
Iruñeko kaleak
ditugu alaitzen
ta hemendik hara goaz
guztiok kantatzen.