Bazen garaia, Mari Trapuk, XXIgarren mendean leporaino sartua, bere kanta digitalean argitaratu du. Aspaldian ezagutu genituen bere lehendabiziko bertsioak, kasete batean grabaturik... Pablo Fernandez, Aldezar Elkarteko Ludotekako neskatxak, Gartxot (gure kaleetako abeslari bikaina)...hantxe zeuden, Mari Trapuren gora beherak lau haizetara ohiukatzen. Orain, aldiz, Erronkariko Ibaxako mendietako usain goxoa dakarkigu Mari Trapuk.

Erronkariko Julian Gayarre Ikastetxeko hainbat irakasle eta ikaslek oparitzen digute aurten Mari Trapuren Kondairaren bertsio liluragarri honekin. Dohainik, erabat musutruke,...herriak egiten ohi duen bezala, Mari Trapuren irrintziak berriro negua gainditzen, munduko zinkinkeriari aurre egiten, udaberria berriro iritsiko dela ziurtatuz.

Iñaki, Iñigo, Ibai, Oihana, Igor, 4. Lehen Hezkuntzako 6 sorgin maitagarriak,...hortxe daude, uhin zibernetiketan paraturik, guri so eginez, betirako Iruñeko Alde Zaharreko bihotzean. Zuek bai artistak! Benetan, auzo honetan bizi garen guztion partez, eskerrik asko.

Eta besterik gabe, tabernetan, zuen lan tokietan, kaleetan,...dantza zaitezten, jaitsi ezazu...

Mari Trapuren Kondaira mp.3 (3,27 MB)

_______________________________________________________

Auzoenea Komunitate Guneko ikastaroak abiatzear daude, irailaren 26a arte duzu izena emateko epea. Nobedadeak ere badira, betiko ikastaroen alboan. Gaita, Danborra, Trikitixa, Eskulanak, Sabelaren Dantza, Argazkilaritza, Tango...

Eskaintza zabala zeure zaletasun sekretuak asetzeko prest, oroitu, izena eman irailaren 26a baino lehen. Informazio gehiagorako...

Auzoeneako Ikastaroak