1999an Auzo Elkarteak antolatutako “Alde Zaharra, bizitzeko leku bat” izeneko jardunaldien karietarat, zenbait ibilbide diseinatu ziren karrika eta plaza hauek disfrutatu eta ezagutzeko. 5 ibilbide hauetako bakoitza gehienez ordu pare batean burutzeko modukoa da, haietan aurki daitekeen txoko bakoitzak historiaz, gerraz, arteaz, ogibideez eta aspaldiko mendeez hitz egiten badigu ere, azken batean, gu bezalaxe, garai hartan harresitutako hiri hura gero eta hobea egiten saiatzen zen jendeaz.

Hemen duzue, beraz, gure arbasoen eskutik aspaldiko Iruñean barna ibiltzeko parada, goza ezazue...

LEHEN IBILBIDEA

Navarreriako burgoa, Media Luna pasealekua, Santa María la Real plaza eta Jito-Alai; Barbazán ingurubidea, Redin, Errege-Jauregi zaharra edo Capitanía inguratuz, Santo Domingoraino jarraituz; Nafarroako museoaren gibeletik, harresiaren gainetik berriz ere, zubi berritik Taconeraraino, Ziudadelan eta Gaztelugibeleko fosoetan bukatuz. [Lehen ibilbidea PDFn] erderaz

BIGARREN IBILBIDEA

Taconeratik eta bistabellan fosoen aldera dagoen arku sailetatik Gazteluko Plazaraino. Oraingo honetan iparraldeko harresitik doan ingurubidetik eginen da ibilbidearen zati handiena. Zubi berritik, O-ko Andre Maria plaza, Museoaren atzetik, Santo Domingo karrika, Santiago plazako elikagai merkatua, Udaletxe plaza eta azkenean Calceteros eta Txapitela Gazteluko plazaraino. [Bigarren ibilbidea PDFn] erderaz

HIRUGARREN IBILBIDEA

Hirugarren ibilbidea, Navarreriako hiri zaharra iparraldetik hegoaldera zeharkatzen duena, luzeena da proposatutakoen artean, Frantziako Portaletik Telleria eta Labriteko aldaparaino dabilelako joan-etorrian. Joanekoa Barquillerosetik jauregiaren Aldapatik, Zacatín, Mañueta, Calderería eta San Agustinetik eginen dugu; etorrikoa, Merced, Dormitalería, Navarrería eta Carmenetik. Ibilbidearen norabidea Barbazán ingurubidearen paraleloa da, lehen ibilbidearekin lotu daiteke beraz. [Hirugarren ibilbidea PDFn] erderaz

LAUGARREN IBILBIDEA

Laugarren ibilbideak Alde Zaharra mendebaldetik ekialdera zeharkatzen du, aurreko ibilbideetan bisitatutako bi hiriguneak komunikatuz; Errekoleten plazatik abiatu, Taconeraren parean, eta San Jose plazan Redineko bastioian bukatuko dugu. Bisitatuko ditugun karrikak eta plazak Alde Zaharraren bizkarrezurra dira: kale nagusia, San Saturnino, Udaletxe Plaza, mercaderes eta azkenik, Curia eta Katedrala. [Laugarren ibilbidea PDFn] erderaz

BOSGARREN IBILBIDEA

Sarasate Pasealekuaren erditik, San Nicolas elizaren parean, bosgarren ibilbide honetan abiatuko gara San Nicolas Burgo zaharraren barnean. [Bosgarren ibilbidea PDFn] erderaz