1998an, Auzo Elkartearen ekimenari esker, jardunaldi batzuk egin ziren auzoan hobetzeko asmoarekin. Orduan Francesco Tonucci ikerlari sozial italiarraren laguntza izan genuen, Europa osoko zenbait hiritan proiektuak garatu dituena, eta “Haurren hiria” liburuaren egilea, besteak beste.

Jardunaldi haietan 140 pertsona baino gehiagok hartu zuten parte, auzokoek, merkatariek, ostalaritzakoek, Udal-teknikariek, Nafarroako Gobernuak, Eskola publikoek zein pribatuek, Osasun-Zentroak, politikariren batek, beste auzoetako lagunek, NUPeko irakasle zenbaitek, eta abar.

55 proposamen adostu ziren, Udalari abian jartzeko epe zabal samarra emateko asmoarekin (2005 urterako), eta Elkarteak haren esku zirenak berak burutzeko ardura hartuta. Beharbada orain Alde Zaharreko Komunitate Planean parte hartzera eraman gaituen lehenbiziko harria izan zen, nahiz metodoa arrunt diferentea izan.
Bere garaian 55 proposamenak aurkeztu genizkion administrazioari eta orain, urteak joan, urteak etorri, eginkizun dira haietarik franko.
Honen inguruko iritzirik baldin baduzu, edo informazio gehiago jakin nahian, dudarik ez eduki eta gurekin harremanean jarri.